O Colexio

O CPR. Plurilingüe FED. Torre de Lemos é un centro educativo laico e sen ánimo de lucro fundado en abril de 2008 para proporcionar unha educación integral ao seu alumnado, de maneira que se incorpore á sociedade con espírito crítico e aportando os valores que nos definen.

A comunidade educativa do colexio Torre de Lemos é unha comunidade aberta á sociedade e próxima ao alumnado, ás familias e ás súas necesidades.

Para conseguilo leva a cabo:

• Un proceso de ensino-aprendizaxe personalizado e actualizado.

• Unha metodoloxía adaptada aos novos tempos e á diversidade.

• Un estilo de traballo en equipo e coordinado.

• Unha mentalidade de axuda e renovación constante para adaptarse aos cambios da sociedade actual.